Шәриф Камалның туган көнен билгеләп үттеләр
30 март көнне Рузаевка районының Татар-Пишлә урта мәктәбе тарафыннан күп еллар язучы исемен йөртә торган Шәриф Камал иҗатына багышланган муниципаль тантаналы чаралар үткәрелде. Онлайн режимында узган чарада Ислам мәдәни үзәге директоры урынбасары Надия Низаметдин кызы Азисова да катнашты.
Бөтен Россия буенча бу көннәрдә Шәриф Камал декадасының белем бирү һәм мәдәни чаралар циклы кысаларында дәресләр, мастер-класслар үткәрелә, язучы иҗаты турында дискуссияләр һәм иҗади конкурслар оештырыла, танылган галимнәрнең лекцияләре уза.
Үз чыгышында Н.Н.Азисова традицион конфессияләр руханилары инициативасы һәм Мордовия Республикасы Башлыгы Артем Алексеевич Здунов ярдәме белән рухи-әхлакый юнәлештәге 6 «пилот» мәктәп оештырылуын билгеләп үтте: 5 – православие, 1 – ислам юнә-леше буенча. Ислам юнәлешендә - Рузаевка районы Татар-Пишлә урта гомуми белем бирү мәктәбендә. Мәктәп белән рухи-әхлакый үсеш өлкәсендә татар, мөселман традицияләрен саклау-га юнәлдерелгән уртак чаралар планы гамәлгә ашырыла.
- Сезнең белән бергә хезмәттәшлектә, без, үсеп килүче буынга, мирасыбызны саклап кала һәм тапшыра алабыз. Безнең катлаулы вакытта нәрсә җитми? Кешелеклелек. Яхшы рухи-әхлакый багажлы шәхес тәрбияләү - безнең уртак бурычыбыз. Бу тренд булырга тиеш, - дип билгеләп үтте Надия Низаметдин кызы Азисова.