Җиңү Көнен бәйрәм иткәндә, без киләчәк буыннар тормышы хакына гомерләрен биргән Ватаныбызны саклаучыларның истәлегенә баш иябез, тыл хезмәтчәннәренә тирән хөрмәтебезне җиткерәбез. Төп бурычыбыз – миллионлаган гомерләр бәрабәренә яулап алынган тынычлыкны саклау.

Бөек Ватан сугышының кадерле ветераннары, тыл хезмәтчәннәре, солдат хатыннары һәм балалары! Бөек Җиңү бәйрәме көнне җиңү шатлыгы һәм хәтер безнең йөрәкләрне берләштерсен. Бу истәлекле көнне сезгә нык сәламәтлек, озын гомер, бәхет, иминлек, аяз күк йөзе телибез!
Бөек Җиңү Көне котлы булсын!