Саранскида оешма хезмәткәре, интернетта акча эшләү сылтавы белән, 800 мең сумга якын акча югалткан.
Россия Эчке эшләр министрлыгының Саранск буенча 3нче ОПга мошенниклык турында гариза белән 58 яшьлек җирле хатын-кыз мөрәҗәгать иткән. Хатын полиция хезмәткәрләренә сөйләгәнчә, интернет челтәрендә өстәмә акча эзләп, үзенең мобиль телефон номерын калдырган битне тапкан. Берникадәр вакыттан соң аңа Яна исемле кыз шалтыраткан һәм берничә вакансия тәкъдим иткән. Аннары ул аңа аккаунт булдырган һәм биш санлы кодны хәбәр иткән. Саннардан күрсәтелгән комбинацияне ул онлайн банк кушымтасында керткән, янәсе «эш кабинеты» булдыру өчен, анда алга таба, менеджер сүзләренчә, эшләп тапкан акчалар тупланачак. Нәтиҗәдә кредит картасыннан 190 мең сум акча күчерелгән.
Аннары сөйләшү менеджер Алена белән дәвам иткән. Аның тәкъдиме буенча, әңгәмәне мессенджерда дәвам иткәннәр. Кыз аңа мөрәҗәгать итүченең шәхси акчалары булган башка банкның онлайн кушымтасына керергә һәм аларны «эш кабинеты» счетына күчерергә киңәш иткән. Нәтиҗәдә, картадан күчергәннән соң, 28 322 сум күләмендә сумма төшереп калдырылган. Мондый процедуралар үткәргәндә стандарт таләпләргә сылтама ясап, әңгәмәдәш хатын-кызны бу уңайдан борчылмаска күндерә. Соңыннан Саранскида яшәүче 149 000 сум акча алу өчен маркетплейс кушымтасына күчә, күрсәтелгән суммага товарны кәрзингә сала һәм түли. Алга таба тагын берничә финанс операциясе башкарган, шул исәптән, 300 мең сумлык кредит рәсмиләштергән, аларны янәсе аның хезмәт хакы исәпләнә торган счетка күчерергә тырышкан, әмма счетны блоклаганнар.
Банк хезмәткәрләре килеп туган проблема буенча аның гаризасын карау якынча 10 көн алачак, дип аңлатканнар.
Зыян күрүче, счетны ачуны көткәндә, мошенниклар белән аралашуын һәм полициягә мөрәҗәгать итәргә кирәклеген аңлаган. Зыянның гомуми суммасы 788 604 сум тәшкил итә.
Хәзерге вакытта Россия Эчке эшләр министрлыгының Саранск буенча идарәсе хезмәткәрләре әлеге факт буенча тикшерү уздыра. Булган хәлнең шартларын һәм җинаятьчеләрнең шәхесләрен ачык-лый.
Тәртип сакчылары исегезгә төше-рә: телефоннан өстәмә керем турында тәкъдимнәр алганда уяу булыгыз, ят кешеләргә ышанмагыз! Мошенниклар даими рәвештә алдауның яңа ысулларын уйлап таба. Аларның корбаны булмас өчен, Мордовия   Республикасы буенча Эчке эшләр министрлыгы экспертларыннан схемаларны һәм киңәшләрне күзәтегез.